Rjúpur

Ég fór í mína fyrstu rjúpnaveiðiferð um helgina. Það var ekki leiðinlegt. Ég þarf að fá mér byssuleyfi !

Við fórum á laugardag upp á Vaðlaheiði og röltum þar um í nokkra klukkutíma. Ég sá strax að ég á (mjög) langt í land með að verða góður rjúpnaveiðimaður, aðallega fyrir það að ég er haldin "rjúpnablindu", ég sá aldrei fxxing fuglinn !! Ármann var alltaf að reyna að benda mér á fugla en aldrei sá ég neitt ! Svo skaut hann og ég sá fiðrið fjúka um og áttaði mig þá (loksins) á hvar fuglinn hafði verið. VIÐ veiddum þrjár rjúpur og vorum mjög ánægð með það.

Á sunnudeginum fórum við upp á Öxnadalsheiði, og inn í Grjótárdal. Þar þurftum við að ganga langt upp í fjall og það var erfitt. VIÐ sáum mun fleiri fugla á þessu svæði, en ég fann fyrir "rjúpnablindunni" áfram. VIÐ fengum samt sjö fulga í þessari ferð og það var mjög gaman.

Ég fann fyrir örlítilli þreytu í gærkvöldi, ég lá reyndar nær dauða en lífi í sófanum í allt gærkvöld og náði ekki að þrífa íbúðina eins og ég hafði ætlað mér.... en ég býst við að ég geti gert það eftir vinnu í dag.